വായനലോകം

മാസങ്ങളായി പുകഞ്ഞുകൊണ്ടിരുന്ന റഷ്യ,യുക്രൈന്‍ പ്രശ്‌നം ഒടുവില്‍ യുദ്ധത്തില്‍ കലാശിച്ചിരിക്കുകയാണ്. സോവിയറ്റ് യൂണിയന്റെ ഭാഗമായിരുന്ന യുക്രൈന്‍, 1991ലാണ് സ്വതന്ത്ര രാജ്യമാകുന്നത്. കിഴക്കന്‍ യൂറോപ്പിലെ ഏറ്റവും വലിയ രാജ്യം. പോളണ്ട്, ബലാറസ്, ഹങ്കറി,സ്ലൊവാക്യ എന്നീ രാജ്യങ്ങളുമായും ഈ കരിങ്കടല്‍ തീര രാജ്യം അതിര്‍ത്തി പങ്കിടുന്നു. കിഴക്ക്, തെക്ക്-പടിഞ്ഞാറ് അതിര്‍ത്തികളിലൂടെയാണ് നിലവില്‍ റഷ്യ സൈനിക വിന്യാസം നടത്തിയിരിക്കുന്നത്. ഒന്നര ലക്ഷത്തോളം വരുന്ന സൈന്യത്തെയാണ് റഷ്യ യുക്രൈനെ വളയാന്‍ നിയോഗിച്ചിരിക്കുന്നത്. 2006വരെ റഷ്യക്കൊപ്പമായിരുന്നു യുക്രൈന്‍. 2004മുതല്‍ 2006വരെ നീണ്ടുനിന്ന ഓറഞ്ച് വിപ്ലവം എന്നറിയപ്പെടുന്ന ആഭ്യന്തര കലാപത്തിന് ശേഷം, അമേരിക്കയോടായി യുക്രൈന്റൈ ചായ്‌വ്. അമേരിക്കയോടുള്ള യുക്രൈന്റെ അമിത വിധേയത്വത്തില്‍ അപകടം മണത്ത റഷ്യ അന്നുമുതല്‍ പലവിധത്തില്‍ പ്രകോപനങ്ങളും , ഉപരോധങ്ങളുമായി രംഗത്തുണ്ട്. യുക്രൈനിലെ കിഴക്ക് ഭാഗത്തുള്ള 17 ശതമാനം വരുന്ന ജനവിഭാഗം റഷ്യന്‍ ഭാഷ സംസാരിക്കുന്നവരും , റഷ്യയോട് കൂറുപുലര്‍ത്തുന്നവരുമാണ്. ഇതാണ് റഷ്യയെ ഈ മേഖലയില്‍ സഹായിക്കുന്ന ഒരു ഘടകം. വിഘടനവാദികള്‍ കയ്യടക്കിയ പ...

1. ഉളുക്കിനു- സമൂലം തോട്ടാവാടിയും കല്ലുപ്പും അരച്ച് അരിക്കാടിയില്‍ കലക്കി തിളപ്പിച്ച് പുരട്ടുക 2. പുഴുക്കടിക്ക്- പച്ചമഞ്ഞളും വേപ്പിലയും ഒന്നിച്ച് അരച്ചുപുരട്ടുക 3. തലമുടി സമൃദ്ധമായി വളരുന്നതിന്- എള്ളെണ്ണ തേച്ച് നിത്യവും തലകഴുകുക 4. ചെവി വേദനയ്ക്ക്- വെളുത്തുള്ളി ചതച്ച് വെളിച്ചെണ്ണയിലിട്ട് കാച്ചി ചെറുചൂടോടെ ചെവിയില്‍ ഒഴിക്കുക 5. കണ്ണ് വേദനയ്ക്ക്- നന്ത്യര്‍ വട്ടത്തിന്റെവ ഇലയും പൂവും ചതച്ച് നീരെടുത്ത് മുലപ്പാല്‍ ചേര്ത്തോ അല്ലാതെയോ കണ്ണില്‍ ഉറ്റിക്കുക 6. മൂത്രതടസ്സത്തിന്- ഏലയ്ക്ക പൊടിച്ച് കരിക്കിന്‍ വെള്ളത്തില്‍ ചേര്ത്ത് കഴിക്കുക 7. വിരശല്യത്തിന്- പകുതി വിളഞ്ഞ പപ്പായ വെള്ളത്തിലിട്ട് തിളപ്പിച്ച് കഴിക്കുക 8. ദഹനക്കേടിന് - ഇഞ്ചി നീരും ഉപ്പും ചെറുനാരങ്ങനീരും ചേര്ത്ത് കുടിക്കുക 9. കഫക്കെട്ടിന് - ത്രിഫലാദി ചൂര്ണംും ചെറുചൂടുവെള്ളത്തില്‍ കലക്കി അത്താഴത്തിന് ശേഷം കഴിക്കുക 10. ചൂട്കുരുവിന് - ഉഴുന്ന്പൊടി ഉപയോഗിച്ച് കുളിക്കുക 11. ഉറക്കക്കുറവിന്-കിടക്കുന്നതിന് മുന്പ്ി ഒരോ ടീസ്പൂണ്‍ തേന്‍ കഴിക്കുകെ 12. വളം കടിക്ക്- വെളുത്തുള്ളിയും മഞ്ഞളും ചേര്ത്തഒരച്ച് ഉപ്പുനീരില്‍ ചാലിച്ച് പുരട്ടുക 13. ചുണങ്ങിന്- വെറ്...

ശത്രുക്കളുടെ സാമീപ്യം തിരിച്ചറിഞ്ഞാൽ ചെവികൾ ആട്ടാതെ അനങ്ങാതെ മണിക്കൂറുകളോളം ആനകൾ നിന്ന നിൽപ്പ് നിൽക്കും. ആനകൾ പൊതുവെ ഭക്ഷണം കഴിക്കുമ്പോൾ അതിലുള്ള മണ്ണും, ചെളിയും, ചെറിയ കീടങ്ങളും പോകുവാനായി സ്വന്തം ശരീരത്തിൽ അടിച്ച് വൃത്തിയാക്കിയേ കഴിക്കൂ. ആനകൾ ഒരിക്കലും കഴിക്കാൻ പാടില്ലാത്ത മരമാണ് റബ്ബർ കാരണം അതിലെ ചെറം അഥവാ പാല് ഇവറ്റകളുടെ ശരീരത്തിലെ ദഹനപ്രക്രിയയെ ദോഷകരമായി ബാധിക്കും. പ്ലാസ്റ്റിക്ക് പോലെ മാരകമാണ് റബ്ബർ. പക്ഷേ റബ്ബറിന്റെ തൊലിയിൽ ഉള്ള മധുരം മൂലം ആനകൾ റബ്ബർ കൂടുതലായി ഭക്ഷിക്കാൻ കാരണമാകുന്നുണ്ട്. ഇതിന്റെ ദൂഷ്യഫലങ്ങൾ രണ്ടാണ്. ആനകളുടെ ശരീരത്തിൽ ഇവ കൂടുതലായി ചെന്നാലുള്ള കുഴപ്പവും, രണ്ട് ആനകൾ കൂടുതലായി ഇവ കഴിക്കാൻ തുടങ്ങിയാൽ റബ്ബർ കർഷകന് ഉണ്ടായേക്കാവുന്ന ബുദ്ധിമുട്ടുകളും. ഒരു മുതിർന്ന ആന ഒരുദിവസം 140 മുതൽ 270 കിലോഗ്രാംവരെ ഭക്ഷണം കഴിക്കും . കാട്ടിലെ ഭക്ഷണത്തിന്റെ അളവ് കുറയുന്നതിന്റെ ഫലമായി ആനകൾ നാട്ടിൽ ഇറങ്ങാൻ തുടങ്ങിയിട്ടുണ്ട്. കേരളത്തിൽ ഒട്ടുമിക്ക ഫോറസ്റ്റിനോടും ചേർന്ന് റബർ പ്ലാന്റേഷനുകൾ ധാരാളം ഉണ്ട്. റബ്ബർ മരങ്ങൾ തിന്നുന്ന കാട്ടാനക്കൂട്ടത്തിന്റെ കാഴ്ചകൾ ഇപ്പോൾ ധാരാളം കാണാം. നോന്ത് പ്രസവിക്...

ബഹിരാകാശത്ത് പോവുന്ന ഒരു വസ്തു അവിടെ എത്തി എന്നറിയുന്നത് ഭാരം കുറഞ്ഞ് നിലത്തു നിന്ന് പൊന്തി പറക്കുമ്പോഴാണ് . ഇതിനെ സീറോ ഗ്രാവിറ്റി ഇന്‍ഡിക്കേറ്റര്‍ എന്നു പറയുന്നു.ബഹിരാകാശ യാത്രകളില്‍ യാത്രികരെയും , ഭൂമിയിലുള്ളവരെയും ബഹിരാകാശത്തെത്തി എന്ന് അറിയിക്കുന്നതിനായി നാസ ഉപയോഗിക്കുന്ന ഭാരം കുറഞ്ഞ പാവയാണ് സ്‌നൂപി . സീറോ ഗ്രാവിറ്റി ഇന്‍ഡിക്കേറ്റര്‍ എന്ന പണിയെടുക്കുന്ന സ്നൂപി ഒരു പൂപ്പിയായ കാര്‍ട്ടൂണ്‍ കഥാപാത്രമാണ്. വാഹനം ബഹിരാകാശത്ത് എത്തുന്ന വിവരം അറിയിക്കുന്നത് സ്നൂപിയായിരിക്കും.  അമേരിക്കന്‍ കാര്‍ട്ടൂണിസ്റ്റായ ചാള്‍സ് എം ഷുല്‍സ് ആണ് ആദ്യമായി സ്നൂപിയെ വരക്കുന്നത്. ഷുള്‍സിന്റെ പീനട്ട്‌സ് എന്ന കോമിക് സ്ട്രിപ്പിലെ നരവംശജീവിയായ ബീഗിള്‍ ആണ് സ്‌നൂപ്പി. എല്ലാ പീനട്ട്‌സ് സിനിമകളിലും , ടെലിവിഷന്‍ സ്‌പെഷ്യലുകളിലും ഇത് കാണാം. 1950 ഒക്ടോബര്‍ 4-ന് അരങ്ങേറ്റം കുറിച്ചതു മുതല്‍ കോമിക് സ്ട്രിപ്പിലെ ഏറ്റവും തിരിച്ചറിയാവുന്നതും , പ്രതീകാത്മകവുമായ കഥാപാത്രങ്ങളിലൊന്നായി സ്‌നൂപ്പി മാറി , ചില രാജ്യങ്ങളില്‍ ചാര്‍ലി ബ്രൗണിനെക്കാള്‍ പ്രശസ്തയായി. സ്നൂപ്പിയുടെ യഥാര്‍ത്ഥ ഡ്രോയിംഗുകള്‍ ഷുള്‍സിന്റെ കുട്ടിക്കാലത്തെ...

ഒരു ഇന്ത്യക്കാരനായതിൽ വളരെ അഭിമാനിക്കുന്നു.  🎵ജന = ആളുകൾ  🎵ഗണ = ഗ്രൂപ്പ്  🎵മന = മനസ്സ്  🎵അധിനായക= നേതാവ്  🎵ജയ അവൻ = വിജയം  🎵ഭാരതം = ഇന്ത്യ  🎵ഭാഗ്യം = വിധി  🎵വിധാത = ഡിസ്പോസർ  🎵പഞ്ചാബ = പഞ്ചാബ്  🎵സിന്ധു = സിന്ധു  🎵ഗുജറാത്ത് = ഗുജറാത്ത്  🎵 മറാത്ത = മറാത്തി മഹാരാഷ്ട്ര  🎵ദ്രാവിഡ = തെക്ക്  🎵ഉത്കല = ഒറീസ്സ  🎵ബംഗ = ബംഗാൾ  🎵വിന്ധ്യ =വിന്ധ്യകൾ  🎵ഹിമാചൽ =ഹിമാലയ്  🎵യമുന = യമുന  🎵ഗംഗ = ഗംഗ  🎵ഉച്ഛല = നീങ്ങുന്നു  🎵ജലധി = സമുദ്രം  🎵തരംഗ = തിരകൾ  🎵താവ = നിങ്ങളുടെ  🎵ശുഭ് = ശുഭം  🎵നാമേ = പേര്  🎵ജാഗെ = ഉണർത്തുക  🎵താവ = നിങ്ങളുടെ  🎵ശുഭ = ശുഭം  🎵ആശിഷ = അനുഗ്രഹങ്ങൾ  🎵മാഗെ = ചോദിക്കുക  🎵ഗാഹേ = പാടുക  🎵താവ = നിങ്ങളുടെ  🎵ജയ = വിജയം  🎵ഗാഥ = ഗാനം  🎵ജന = ആളുകൾ  🎵ഗണ = ഗ്രൂപ്പ്  🎵മംഗള = ഭാഗ്യം  🎵ദായക = ദാതാവ്  🎵ജയ് അവൻ = വിജയിക്കട്ടെ  🎵ഭാരതം = ഇന്ത്യ  🎵ഭാഗ്യം = വിധി  🎵...

നേരെ വായിച്ചാലും തല കുത്തനേ വായിച്ചാലും ഒരേ പോലെ. 22-02-2022 ഇന്നത്തെ തിയതിക്കൊരു പ്രത്യേകതയുണ്ട്. ഒന്നു കൂടി ഒന്നു സൂക്ഷിച്ചു നോക്കിയാൽ ചില കൗതുകങ്ങൾ കാണാൻ സാധിക്കും.തീയതിയെയും മാസത്തെയും വർഷത്തെയും വേർതിരിക്കുന്ന ഹൈഫനുകൾ മാറ്റിയാൽ ഇടത്തുനിന്ന് വലത്തോട്ടും വലത്തുനിന്ന് ഇടത്തോട്ടും ഒരുപോലെ വായിക്കാൻ കഴിയും. ഇത്തരത്തിൽ ഇരുവശത്തുനിന്നും ഒരു പോലെ വായിക്കാൻ കഴിയുന്ന പ്രത്യേകതയ്ക്ക് പാലിൻഡ്രോം എന്നാണ് പറയുന്നത്. കൂടാതെ ഇന്നത്തെ തീയതി നേരെ വായിച്ചാലും തല കുത്തനേ വായിച്ചാലും ഒരേ പോലെയാണ്. ഈ പ്രത്യേകതയ്ക്ക് ആംബിഗ്രാം എന്നാണ് പറയുക. തീയതി, മാസം, വർഷം എന്ന ക്രമം പാലിക്കുന്ന ബ്രിട്ടീഷ് തീയതി ക്രമത്തിലാണ് പാലിഗ്രാമും ആംബിഗ്രാമും ബാധകമാവുക. ചരിത്രത്തിലാദ്യമായി തീയതിയിൽ ആറു '2' കൾ ഒന്നിച്ചുവരുന്ന കൗതുകദിനം കൂടിയാണ് ഇന്ന്. ഏഴു '2'-കൾ ഒന്നിക്കുന്ന 22-02-2222 ലേക്ക് ഇനിയുള്ളത് 2 നൂറ്റാണ്ടിന്റെ ദൂരമാണ്.

ലോകത്തെ ഒരു അമൂല്യ വസ്തുവാണ് വജ്രം (Diamond). ഒരു ലോഹം കൊണ്ട് വജ്രത്തെ മുറിക്കാൻ സാധ്യമല്ല. വജ്രത്തെ മുറിക്കാൻ വജ്രം തന്നെ വേണം. വജ്രപ്പൊടി ചേർത്തുണ്ടാക്കിയ ലോഹവാൾ ഇതിന് ഉപയോഗിക്കുന്നു. ഏറ്റവും കാഠിന്യമേറിയ പ്രകൃതിജന്യമായ വസ്തുവായി വജ്രം കണക്കാക്കപ്പെടുന്നു. സാധാരണഗതിയിൽ മഞ്ഞ, ബ്രൗൺ, ചാര നിറം മുതൽ നിറമില്ലാത്ത അവസ്ഥയിൽ വരെ കണ്ടു വരുന്നു. നീല, പച്ച, കറുപ്പ്, translucent വെള്ള, പിങ്ക്, വയലറ്റ്, ഓറഞ്ച്, പർപ്പിൾ, ചുവപ്പു നിറങ്ങളിലും അപൂർവ്വമായി വജ്രം കണ്ടുവരുന്നു. കാർബണിന്റെ പരൽ‌രൂപമായ വജ്രം ഖനികളിൽ നിന്നാണ് കൂടുതലും ലഭിക്കുന്നത്. 900 ഡിഗ്രി സെൽ‌ഷ്യസിൽ അത് പതുക്കെ കത്താൻ തുടങ്ങുന്നു. ഓക്സിജനുമായി യോജിച്ച് കാർബൺ ഡയോക്സൈഡ് ഉണ്ടാകുന്നു. 1000° സെൽ‌ഷ്യസിൽ അത് ഗ്രാഫൈറ്റ് എന്ന മറ്റൊരു കാർബൺ സംയുക്തമായും മാറുന്നു. താപനില കൂടിയാൽ വേഗം ഗ്രാഫൈറ്റായി തീരും. വജ്രം താപവാഹിയാണ്, വൈദ്യുതവാഹിയല്ല. ചെമ്പിനെക്കാൾ അഞ്ചിരട്ടി കൂടുതലാണിതിന്റെ താപ ചാലകത. (Conductivity). 1955-ൽ വരെ ഖനികളിൽ നിന്ന് മാത്രമായിരുന്നു വജ്രം കിട്ടിയിരുന്നത്. എന്നാൽ രാസക്രിയയുടെ ഫലമായി വജ്രമുണ്ടാക്കാനുള്ള മാർഗ്ഗം അതിനു ശേഷം വികസിപ്പിച്ചെ...

വർഷങ്ങളായി വടക്കൻ കേരളത്തിൽ, പ്രത്യേകിച്ച് മലബാർ, കോഴിക്കോട്, കണ്ണൂർ ഭാഗങ്ങളിൽ വിവാഹത്തിനൊപ്പം നടത്തപ്പെടുന്ന ആചാരമാണ് സൊറ കല്യാണങ്ങൾ. സൊറ എന്നാൽ വടക്കൻ ഭാഷയിൽ "പ്രശ്നം" എന്ന് തന്നെയാണ് അർഥം.വിവാഹം "അലമ്പാക്കി (കച്ചറയാക്കി) പ്രശ്നമാക്കുക" എന്നത് തന്നെയാണ് ഇതുകൊണ്ട് അർഥമാക്കുന്നതും. കല്യാണ ദിവസം ചെക്കന്‍റെ ചെങ്ങായിമാര്‍ കാണിക്കുന്ന ചില അലമ്പുകളാണ് സൊറ കല്യാണം എന്നറിയപ്പെടുന്നത്.വടക്കൻ കേരളത്തിലെ ഈ കലാപരിപാടി സമൂഹമാധ്യമങ്ങളിൽ പ്രചരിക്കപ്പെട്ടതോടെ ഒരു ആചാരമായി ചെറുപ്പക്കാർ ഏറ്റെടുത്ത മട്ടാണ്. സുഹൃത്തുക്കളുടെ പരിഹാസവും , കുസൃതികളും അതിരു വിടുന്നതോടെ പലയിടത്തും പ്രശ്നങ്ങൾ ഉണ്ടാകാറുണ്ട്.  "മലബാർ വെഡിങ് " എന്ന ഇന്ദ്രജിത്ത് സിനിമ കണ്ടവർക്ക് ഏകദേശം ഒരു ധാരണയുണ്ടാവും ഈ സൊറ കല്യാണങ്ങളെക്കുറിച്ച്.കൂട്ടുകാരുടെ റാഗിങ് പേടിച്ച് കല്യാണം കഴിക്കാൻ മടിക്കുന്ന യുവാവിന്റെ കഥയാണ് ‘മലബാർ വെഡിങ്’. വിവാഹ വീടുകളിലെ ആഘോഷങ്ങൾ പലപ്പോഴും അതിരു വിടുകയും ആഭാസമായി മാറുകയും ചെയ്യാറുണ്ട്. വിവാഹ ആഘോഷം പേക്കൂത്തുകളാക്കി മാറിയ ധാരാളം കല്യാണങ്ങൾ ഉണ്ട്.വിവാഹ വീടുകളിൽ കല്യാണ സൊറ എന്ന പേരിൽ അറിയ...

എല്ലാ വർഷവും ഫെബ്രുവരി 14-നാണ്‌ ലോകത്തിന്റെ വിവിധയിടങ്ങളിൽ വാലൻന്റൈൻ ദിനം അല്ലെങ്കിൽ സെന്റ് വാലന്റൈൻ ദിനം ആഘോഷിക്കുന്നത്. പരസ്പരം സ്നേഹിക്കുന്നവരുടെ ദിനമാണ് വാലൻന്റൈ‍ൻ ദിനം. ലോകമെമ്പാടുമുള്ള ആളുകൾ തങ്ങൾ സ്നേഹിക്കുന്നവർക്ക് ഈ ദിനത്തിൽ സമ്മാനങ്ങൾ കൈമാറുകയും ഇഷ്ടം അറിയിക്കുകയും ചെയ്യുന്നു. പ്രണയിക്കുന്നവർക്ക് ഒന്നുകൂടി തങ്ങളുടെ പ്രണയത്തെ കരുതലോടെ ചേർത്തു പിടിക്കുവാനുള്ള സമയമാണ് വാലന്‍റൈൻസ് ദിനം. സ്നേഹിക്കുന്നവർക്ക് എന്നും പ്രണ.ദിനമാണെങ്കിലും ആഘോഷിക്കുവാൻ ഈ ഒരു വാലന്‍റൈൻ ദിനം തന്നെ വേണം. സ്നേഹിച്ചും സമ്മാനങ്ങൾ നല്കിയും ഒരിക്കലും മറക്കാത്ത ഓർമ്മകളുണ്ടാക്കുവാൻ പ്രണയിതാക്കൾ കാത്തിരിക്കുന്ന ഈ ദിനത്തിന് പറയുവാൻ ഒരു വലിയ കഥയുണ്ട്... വാലന്‍റൈൻ ദിനം: ചരിത്രം പറയുന്നതിങ്ങനെ വാലന്‍റൈൻ ദിനം എന്നാൽ മനസ്സിലെത്തുക പ്രണയിക്കുന്നവരും ചുവന്ന പൂക്കളും ചോക്ലേറ്റും ഒക്കെയാണ്. എന്നാൽ ഈ ദിനത്തിന്‍റെ ചരിത്രത്തിലേക്ക് പോയാലോ കേൾക്കേണ്ടത് പകയുടെയും ചോരയുടെയും കഥയാണ്. പ്രണയത്തിനായി ജീവൻപോലും ബലി നല്കേണ്ടി വന്ന വാലന്‍റൈൻ എന്ന കത്തോലിക്ക ബിഷപ്പിന്‍റെ കഥ. വിവാഹം നിരോധിച്ചപ്പോൾ പ്രണയിക്കുന്നവരെ ഒന്നിപ്പിക്കുവാൻ മുൻകൈയ്...

ഭക്ഷണങ്ങളില്‍ ഇഞ്ചി ചേര്‍ക്കുന്നത് കൊണ്ടുള്ള മൂന്ന് പ്രധാന ഗുണങ്ങള്‍... എല്ലാ വീടുകളിലും അടുക്കളയില്‍ ( Kitchen Ingredients) നിര്‍ബന്ധമായും കാണുന്നൊരു ചേരുവയാണ് ഇഞ്ചി. നമ്മള്‍ നിത്യേന തയ്യാറാക്കുന്ന മിക്ക കറികളും മറ്റും ഇഞ്ചി ചേര്‍ക്കാറുണ്ട്, അല്ലേ? ഇഞ്ചി ഒരു ചേരുവ എന്നതില്‍ കവിഞ്ഞ് ഒരു മരുന്ന് എന്ന നിലയിലാണ് ( Ginger Benefits ) പാരമ്പര്യമായി കണക്കാക്കപ്പെടുന്നത്.  ജലദോഷം, തലവേദന, ആര്‍ത്തവസംബന്ധമായ വേദന എന്നിങ്ങനെയുള്ള പ്രശ്‌നങ്ങള്‍ക്കെല്ലാം പരിഹാരം പകരാന്‍ ഇഞ്ചിക്ക് കഴിയും. കറികളില്‍ ചേര്‍ത്ത് മാത്രമല്ല, ചായയിലും മോരിലും വെജിറ്റബിള്‍ ജ്യൂസുകളിലുമെല്ലാം ഇഞ്ചി ചേര്‍ക്കാവുന്നതാണ്. അതുപോലെ ഇഞ്ചി ഉണക്കിപ്പൊടിച്ചതും പല വിഭവങ്ങളില്‍ ചേര്‍ക്കാം.  ഇത്തരത്തില്‍ നാം പതിവായി കഴിക്കുന്ന ഭക്ഷണ- പാനീയങ്ങളിലെല്ലാം ഇഞ്ചി ചേര്‍ക്കുന്നത് കൊണ്ടുള്ള പ്രധാനപ്പെട്ട മൂന്ന് ഗുണങ്ങളെ കുറിച്ചാണിനി പറയുന്നത്.  ഒന്ന്... രക്തയോട്ടം വര്‍ധിപ്പിക്കുന്നതിന് ഇഞ്ചി ഏറെ സഹായകമായ പദാര്‍ത്ഥമാണ്. ഇത് ആകെ ആരോഗ്യത്തിനും പലവിധത്തില്‍ ഗുണം ചെയ്യും. ഒപ്പം ശരീരവേദനകള്‍ അകറ്റാനും, സമ്മര്‍ദ്ദം കുറയ്ക്കാനും, ഉപാപചയപ്രവ...

1932ൽ ടാറ്റ എയർലൈൻസ് എന്ന പേരിൽ ആരംഭിച്ച സ്ഥാപനം രണ്ടാം ലോക മഹായുദ്ധത്തിനുശേഷം, ഒരു പബ്ലിക് ലിമിറ്റഡ് കമ്പനിയായി മാറുകയും ചെയ്തു.1946ൽ ടാറ്റ എയർലൈൻസ് ടാറ്റ സൺസിന്‍റെ ഡിവിഷനിൽ നിന്ന് ഒരു കമ്പനിയായി വികസിപ്പിച്ചപ്പോൾ അതിന്​ പുതിയ പേര് നൽകേണ്ടി വന്നു. ടാറ്റ സൺസ് ജീവനക്കാർക്കിടയിൽ നടത്തിയ അഭിപ്രായ വോട്ടെടുപ്പിലൂടെയാണ് എയർ ഇന്ത്യയുടെ പേര് ലഭിച്ചത്. നാല് പേരുകളാണ്​ ആദ്യം കണ്ടെത്തിയത്​. ഇന്ത്യൻ എയർലൈൻസ്, പാൻ-ഇന്ത്യൻ എയർലൈൻസ്,ട്രാൻസ്-ഇന്ത്യൻ എയർലൈൻസ്,എയർ ഇന്ത്യ എന്നിവയായിരുന്നു ആ പേരുകൾ. പേര് തിരഞ്ഞെടുക്കുന്നത് സംബന്ധിച്ച് അന്തിമ തീരുമാനം എടുത്തത് കമ്പനി ജീവനക്കാരാണ്​.  ടാറ്റാ ഓർഗനൈസേഷന്‍റെ മേധാവികൾ ജനാധിപത്യപരമായി പേര്​ തിരഞ്ഞെടുക്കാൻ തീരുമാനിച്ചു. ഇതിനായി ജീവനക്കാർക്ക്​ വോട്ടിംഗ് പേപ്പറുകൾ വിതരണം ചെയ്തു. ഓരോരുത്തരോടും അവരുടെ ഒന്നും , രണ്ടും മുൻഗണനകൾ രേഖപ്പെടുത്താൻ അഭ്യർത്ഥിച്ചു. ആദ്യ കണക്കെടുപ്പിൽ എയർ ഇന്ത്യക്ക്​ 64, ഇന്ത്യൻ എയർ ലൈൻസിന് 51, ട്രാൻസ്-ഇന്ത്യൻ എയർ ലൈൻസിന് 28, പാൻ-ഇന്ത്യൻ എയർലൈൻസിന് 19 എന്നിങ്ങനെയാണ് ലഭിച്ചത്.വോട്ട്​ കുറവുള്ള പേരുകൾ ഒഴിവാക്കി രണ്ടാമതും വോട്ടിനിട്ടു. എയർ ഇന്ത്...

പണ്ട് കാലത്ത് രാജസഭകളിൽ ഉന്നതർ എന്ന് രാജാവ് കരുതുന്ന ആളുകളെ ഉൾപ്പെടുത്തിയിരുന്നു. സാധാരണയായി സമൂഹത്തിലെ വലിയ ധനവാന്മാർ, വിദ്വാൻമാർ, ഉന്നത കലാകാരൻമാർ തുടങ്ങി ഉയർന്ന സ്ഥാനമാനങ്ങൾ വഹിക്കുന്നവർ ആയിരുന്നു അവർ.മധ്യകാലങ്ങളിൽ യൂറോപ്പിൽ നോബിൾ പേഴ്സൺ എന്നൊരു സ്ഥാനവും ഉണ്ടായിരുന്നു. ഇവരും സമൂഹത്തിലെ ധനവന്മാരും , അധികാരം കയ്യാളുന്നവരും ആയിരുന്നു. ബ്രിട്ടനിലെ പ്രഭുസഭ യഥാർത്ഥത്തിൽ ഇത്തരം പ്രഭുക്കന്മാരുടെ ഒരു സഭ തന്നെ ആയിരുന്നു. പണം അല്ലെങ്കിൽ കഴിവ് എന്ന മാനദണ്ഡം നിർബന്ധമായും ഉണ്ടായിരുന്നു വെങ്കിലും ഇവരിൽ കൂടുതൽ പേരും രാജാവിന്റെ സ്തുതി പാഠകരായ ആളുകൾ ആയിരുന്നു. ഇത്തരക്കാർക്ക് അല്പം അറിവ് അല്ലെങ്കിൽ കലാപരമായ കഴിവ് ഉണ്ടെങ്കിൽ അവർക്ക് സഭയിൽ കടന്നുകൂടാൻ കഴിയുമായിരുന്നു എന്നും അധികാരികളുടെ ഗുഡ് ബുക്കിൽ ഉണ്ടായിരിക്കണമെന്നതും ഒരു അലിഖിത നിയമം തന്നെ ആയിരുന്നു.അല്പസ്വല്പം വ്യത്യാസങ്ങളോടെ പുരാതന ഗ്രീസ്, റോമാ സാമ്രാജ്യങ്ങളിലും ഇത്തരം സഭകൾ നിലനിന്നിരുന്നു. അവിടെയും പണക്കാരായ ഉന്നതകുലജാതർ (Noble person) ആയിരുന്നു ഭരണസഭകളിൽ അംഗങ്ങൾ ആയി ഉണ്ടായിരുന്നത്.രാജഭരണം അവസാനിച്ച് ജനാധിപത്യം സ്ഥാപിതമായപ്പോൾ ഇത്തരം പ്രമുഖർ എ...

ബീവറേജസ് കേ‍ാർപ്പറേഷന്റെ ഗേ‍ാഡൗണുകളിൽ ഉള്ള കാലാവധി കഴിയുന്ന മദ്യം  പിന്നീട് എന്ത് ചെയ്യും? സംസ്ഥാനത്തെ ഔട്ട്‌ലെ‌റ്റുകളിലും , ഗോഡൗണുകളിലും ഉള്ള ഉപയേ‍ാഗശൂന്യമായ മദ്യം നശിപ്പിക്കാൻ വൈകിയാൽ പുതിയ സ്റ്റോക്ക് വയ്ക്കാൻ സ്ഥലമില്ലാത്ത സ്ഥിതി വരും. ഇടയ്ക്കിടയ്ക്ക് അത്   വലിയ തേ‍ാതിൽ പലയിടത്തും കെട്ടിക്കിടക്കാറുമുണ്ട്. ഏറ്റവും ഒടുവിലത്തെ  ഔദ്യോഗിക കണക്കനുസരിച്ച് 5,13,253 കെയ്സ് മദ്യമാണ് നശിപ്പിക്കാനുള്ളത് (2022 ജനുവരി) ഇറക്കിവയ്ക്കാൻ സ്ഥലമില്ലാത്തതിനാൽ പുതിയ മദ്യവുമായി മറ്റു സംസ്ഥാനങ്ങളിൽ നിന്നെത്തിയ ലേ‍ാറികൾ ഗേ‍ാഡൗണുകളുടെയും , ഷേ‍ാപ്പുകളുടെയും സമീപത്ത് ചിലപ്പോൾ ദിവസങ്ങളോളവും , മാസങ്ങളോളവും നിർത്തിയിടേണ്ടിവരുന്നതും പല  സുരക്ഷാപ്രശ്നങ്ങളും ഉണ്ടാക്കാറുണ്ട്. ഇങ്ങനെയുളള പല സ്ഥലങ്ങളിലും മദ്യം മേ‍ാഷണം പോവുകയും ചെയ്യും. കാലാവധി കഴിയുന്ന മദ്യം മാറ്റുന്നത് അനിശ്ചിതമായി നീളുന്നതിനാൽ പുതിയ സ്റ്റോക്ക് ഇറക്കാൻ കഴിയാത്തത് ചില പ്രധാന ഷേ‍ാപ്പുകളിലെ വിൽപനയെ ബാധിക്കുകയും ചെയ്യും.കെട്ടിക്കിടക്കുന്ന മദ്യത്തിൽ നല്ലെ‍ാരുപങ്കും ബീയറാണ്. അതിന്റെ കാലാവധി ആറു മാസം മാത്രമാണ്. മറ്റു മദ്യങ്ങൾ പലതും കൂ...