വീട്ടിൽ കൗമാരക്കാരുണ്ടോ..അവരെ മനസ്സിലാക്കാൻ നിങ്ങൾ പാടുപെടുകയാണോ..?

ᴍᴀʟᴀyᴀʟᴀᴍ ᴏɴʟɪɴᴇ ᴍᴇᴅɪᴀ

ഈ നിർദ്ദേശങ്ങൾ നിങ്ങളെ സഹായിക്കും.

👁️‍🗨️അവർ ആവശ്യത്തിന് ഉറങ്ങുന്നുണ്ടോ..?

ചുരുങ്ങിയത് 8 മണിക്കൂറെങ്കിലും ഉറങ്ങാത്ത കുട്ടിക്ക് പഠനത്തിലെന്നല്ല കളിയിലും താളം തെറ്റും, അവരുടെ ഓർമ്മശക്തിയെയും ബുദ്ധിശേഷിയെയും തകർക്കാൻ ഇത് മാത്രം മതിയാകും..!

👁️‍🗨️ കുട്ടികളെ വെറുതെയങ്ങ് എതിർക്കരുത്, പ്രതികരിക്കാൻ പഠിക്കണം.

ഒന്നും ചിന്തിക്കാതെയുള്ള പ്രതികരണങ്ങളാണ് എതിർപ്പുകൾ, അത് അവരെ കൂടുതൽ വാശിയുള്ളവരാക്കും, എടുത്തു ചാടാതെ ചിന്തിക്കുക, ഉത്തരം പ്രശ്‌നത്തിൽ തന്നെ ഉണ്ടാകും.

👁️‍🗨️ചിലതൊക്കെ ക്ഷമിച്ചേക്കണം, ചുമ്മാ കുട്ടികളുടെ വെറുപ്പ് വാരിക്കൂട്ടരുത്.

കുറെയൊക്കെ പൊറുത്തു കൊടുക്കാൻ പഠിക്കണം, സഹിക്കവയ്യാത്ത തെറ്റുകളിൽ കാര്യകാരണസഹിതം ശിക്ഷിക്കുകയോ/ശകാരിക്കുകയോ ആവാം, അവർ നിങ്ങളെ കണ്ടു പഠിക്കുകയാണ് എന്ന് ഓർമ്മ വേണം.

 മൊബൈൽ തല്ലിപൊട്ടിക്കാൻ എളുപ്പമാണ്..!

മൊബൈൽ എന്താണെന്ന് പഠിക്കലാണ് ആദ്യം വേണ്ടത്, അറിവ് എന്തിനെയും മെരുക്കാൻ നമ്മെ പഠിപ്പിക്കും, നിങ്ങളുടെ അജ്ഞത അവരുടെ ആയുധമാകരുതെങ്കിൽ പഠിച്ചേ പറ്റു..!

👁️‍🗨️ഐസ്ക്രീമും, മൊബൈലും, സൈക്കിളും, ടൂറും മാത്രമല്ല സ്നേഹം.

നിങ്ങളുടെ സ്നേഹം അവരുടെ ഉള്ളിൽ തട്ടണം, ചേർത്തു നിറുത്താൻ പഠിച്ചാൽ അകലത്തിലായാലും നിങ്ങളെ അവർ ഓർക്കും. അതേ അവശേഷിക്കു..!

👁️‍🗨️ മക്കളോട് നിങ്ങൾ തമാശ പറയാറില്ലെ..? എങ്കിൽ നിങ്ങൾ നിരാശരാകും തീർച്ച.

ചിരിപ്പിക്കാൻ കഴിയുന്നവർക്ക് മനസ്സ് കീഴടക്കാൻ എളുപ്പമാണ്, തമാശകൾ മനസ്സ് കടുത്തു പോകാതെ കാത്ത്‌ രക്ഷിക്കും, തിന്നാനും ഉടുക്കാനും കൊടുക്കുന്നവരെ വിട്ട് സന്തോഷിപ്പിക്കാൻ കഴിയുന്നവരെ തേടി അവർ പോകുന്നത് അത് കൊണ്ടാണ്.